Tek kopshti mua m’u rrit një qandë pireti,

më kish bënë folenë një falluvetë.

Tek dushku mua m’u rrit një qandë murrizi,

më kish bënë folenë një tetedyzë.

Tetedyzë moj falluvetë,

mos rrini nd’atë dushk vet,

se shkon njeri me një shkupet

e m’ dëspëlqen ndaj ju vret,

gjegjëni mua: ecni me shëndet,

ecni e rrini nd’atë dejt.

Se kur fryn ajri e dejti shtie suvala

ju rrini frisku si nd’ata mala.

Falluvetë pjotë me kullur

vëru e bëj një cik amur,

mos më thuj se ng’ka nguli

se sprënxa ime je vet ti.

Rri si zonjë nd’atë fole

falluvetë sa e bukura je

falluvetë sa e bukura je

rri si zonjë nd’atë fole.

Tetedyzë moj tetedyzë, oj

sa bukur kur më këndoje sipër nd’atë murrizë oj

kur vije e m’këndoje nd’atë ballkun

e m’thoje: zgjoju oj patrun, oj.

Se falluveta nëng përton,

vete ka dushku e vete e këndon.

Ju çë natën fjëni sipër ndë një fjetë,

menatët, kur del dilli ngrohni at’piet.

Kur vinj ka dushku për spërënj

se ka do shkonj u nani, ju shtutë rrënjë.

Tetedyzë moj falluvetë, rrini mirë, ecni me shëndet.

Se ka u nëng kini bëzonj

dhe kado shkoni u ju lulëzonj,

tetedyzë moj falluvetë, rrini mirë, ecni me shëndet.

Nel mio orto è sorta una pianta di bergamotto

e là aveva annidato una cinciallegra,

nel bosco è sorta una pianta di pero selvatico

e là aveva annidato un beccafico.

Oh, cinciallegra e beccafico,

non dovete stare nel bosco, da sole,

potrebbe passare qualcuno con un fucile

e a me dispiacerebbe molto vedervi uccise;

ascoltatemi e godetevi la vita,

la frescura delle montagne,

quando soffia il vento e nel mare ci sono le onde;

voi che la notte dormite sulle foglie

e la mattina quando sorge il sole

quel tepore serve a riscaldarvi.

Oh, cinciallegra e beccafico

siete così colorate, vogliatevi bene

e non dormite perché non è il momento

non smettete di cantare, perché il vostro canto

è molto bello.

Oh, cinciallegra, il tuoi melodioso canto

mi sveglia tutte le mattine

lei canta sempre, non demorde mai dal farlo

ora, infatti, sta cantando nel bosco

e dovunque io passo voi avete messo radici

oh, cinciallegra e beccafico

godetevi la vita

e salvaguardate da sole i vostri cari.